सूर मागू तुला मी कासा ?
जीवना तू तसा, मी असा !
तू मला, मी तुला पाहिले
एकमेकांस न्याहाळिले
दुःख माझातुझा आरसा !
जीवना तू तसा, मी असा !
एकदाही मनासारखा
तू न झालास माझा सखा
खेळलो खेळ झाला जसा !
जीवना तू तसा, मी असा !
खूप झाले तुझे बोलणे
खूप झाले तुझे कोपणे
मी तरीही जसाच्या तसा !
जीवना तू तसा, मी असा !
रंग सारे तुझे झेलुनी
शाप सारे तुझे घेउनी
हिंडतो मीच वेडपिसा !
जीवना तू तसा, मी असा !
काय मागून काही मिळे ?
का तुला गीत माझे कळे ?
व्यर्थ हा अमृताचा वसा !
जीवना तू तसा, मी असा !
गीत – सुरेश भट
संगीत – पं. हृदयनाथ मंगेशकर
स्वर – अरुण दाते
Nagpur/Bangalore
No comments:
Post a Comment